اسلام آباد... سابق وزیر اعظم نواز شریف پیر کو دوسری مرتبہ احتساب عدالت میں پیش ہوئے ۔ ان کے خلاف دائر 3 نیب ریفرنسز کی سماعت ہوئی۔ نیب حکام نے عدالت سے نوازشریف پر فرد جرم عائد کرنے کی استدعا کی تاہم نواز شریف کے وکیل خواجہ حارث نے سابق وزیر اعظم پر فرد جرم عائد کرنے اور ناقابل ضمانت وارنٹ کے اجراءکی استدعا پر اعتراض کیا۔ نواز شریف پر فرد جرم عائد نہ کی جاسکی۔ حاضری سے استفنی کی درخواست پر بحث نہ ہو سکی ۔عدالت نے 9 اکتوبر کو دوبارہ طلب کرلیا ۔اس موقع پر سیکیورٹی کے سخت انتظامات کئے گئے تھے۔
