جدہ..... امریکی اخبار ٹائمز نے 13 سے 19 سال کے درمیان موثر ترین نوجوانوں کی فہرست جاری کی ہے۔ فہرست میں باحجاب ایموجی متعارف کرانے والی سعودی لڑکی ریوف الحمیضی کو بھی شامل کرلیاگیا ہے۔ اخبار کا کہنا ہے کہ باحجاب ایموجی متعارف کرانے والی سعودی لڑکی دنیا کے 30 موثر ترین نوجوانوں کی فہرست میں شامل ہے۔ واضح رہے کہ ریوف الحمیضی نے ایپل کیلئے باحجاب ایموجی کی تجویز دی تھی جسے منظور کرلیاگیا۔ ریوف کا کہنا ہے کہ وہ واٹس ایپ اور سوشل میڈیا کے دیگر ذرائع میں باحجاب ایموجی کی خواہشمند تھی۔ اس نے ایپل کو ای میل بھیج کر اپنی تجویز سے آگاہ کیا جس پر ایپل نے اس کی بنائی ہوئی باحجاب ایموجی کو تسلیم کرتے ہوئے شامل کرلیا۔
