ویرات کوہلی 120انٹرنیشنل سنچریاں بنا سکتے ہیں، شعیب اختر

نئی دہلی:پاکستان کے سابق فاسٹ بولر شعیب اخترنے کہا ہے کہ مصباح الحق 43 سال تک کرکٹ کھیلے جبکہ ویرات کوہلی 44 برس تک کھیل سکتے ہیں۔ہندوستانی کپتان اسی طرح کھیلتے رہے تو 120 انٹرنیشنل سنچریاں بنا دیں گے۔سابق فاسٹ بولر نے کہاکہ سچن ٹنڈولکر کی100 انٹرنیشنل سنچریوں کا ریکارڈ توڑنے کا اعزاز ویرات کوہلی کو مل سکتاہے۔ 29 سالہ کوہلی اب تک 18 ٹیسٹ اور 32 ون ڈے سنچریاں بنا سنچریوں کی نصف سنچری مکمل کرچکے ہیں، اگرچہ سچن ٹنڈولکر 24 برس کی عمر میں دنیا کے کامیاب ترین بیٹسمین بن گئے تھے تاہم شعیب اختر نے کہاکہ ویرات کوہلی دورجدید کے عظیم کھلاڑی ہیں، وہ ٹنڈولکر کا ریکارڈ توڑنے کے اہل نظر آتے ہیں۔یاد رہے کہ ویرات کوہلی کو انٹرنیشنل کرکٹ میں ایک دہائی پوری ہونے والی ہے، وہ 61 ٹیسٹ اور 202 ون ڈے کھیل چکے ہیں۔