تبوک: شانی الیون نے چیمپیئن ٹرافی کا فائنل جیت لیا

تبوک: یہاں کھیلی گئی چیمپیئن ٹرافی 2017 ءکا فائنل یکطرفہ مقابلے کے بعد شا نی الیون نے سیالکوٹ الیون کو 96 رنز سے ہرا کر جیت لیا۔ شانی الیون نے ٹاس جیت کر پہلے بیٹنگ کرتے ہوئے 18 اوورز میں 209 رنز بنائے جس میں کپتان ذیشان اور آفتاب کی شاندار 113 رنز کی پارٹنرشپ شامل تھی۔ جواب میں سیالکوٹ الیون کی ٹیم صرف 102 رنز پر آوٹ ہوگئی۔ فائنل کے مین آف دی میچ کا اعزاز آفتاب اقبال کو دیاگیا۔ تقریب تقسیم انعامات اسلامی سینٹر کمیونٹی ہال میں منعقد کی گئی جس میں کھلاڑیوں میں پاکبانوں کی کثیر تعداد کی موجودگی میں ٹرافیاں اور انعامات تقسیم کئے گئے۔ ٹورنامنٹ کے بہترین کھلاڑی کا اعزاز شانی الیون کے طلحہ احمد بٹ اور بہترین بولر کا اعزاز خان الیون کے بابر شیر علی کو دیاگیا۔ سیریز کے بہترین کھلاڑی کے پی کے الیون کے عارف خان قرار پائے جنہیں شیلڈ سے نوازاگیا۔ آخر میں تبوک کرکٹ الیون ایسوسی ایشن کے چیئرمین چوہدری بلال نے فاتح ٹیم شانی الیون اور رنر اپ سیالکوٹ الیون کے کپتانوں کو ٹرافیاں دیں۔