تبوک: کرکٹ کھلاڑیوں کے لئے 3روزہ امپائرنگ کورس

ایشین کرکٹ کونسل کے تعاون سے پہلے کورس میں تبوک و گرد و نواح کے کھلاڑیوں کی شرکت

طارق نور الٰہی۔ تبوک

ایشین کرکٹ کونسل کے تعاون سے تبوک کرکٹ ایسوسی ایشن سے منسلک ٹیموں کو 3 روزہ امپائرنگ کورس کا انعقاد مقامی ہوٹل میں کیاگیا جس میں ایشین کرکٹ کونسل کے کوالیفائڈ ایجوکیٹرزکو خلیل قاضی و کاشف بیگ نے ٹریننگ دی۔ اپنی نوعیت کے اس پہلے کورس میں تبوک و گرد و نواح کے 20 کھلاڑیوں نے حصہ لیا۔ 

اختتامی تقریب میں سعودی کرکٹ سینٹر کے سربراہ ندیم ندوی نے خصوصی شرکت کی۔انہوں نے اپنی تقریر میں سعودی عرب میں کرکٹ کی تاریخ اور سعودی عرب کی متعلقہ وزارت کے باہمی تعاون پر روشنی ڈالی۔ 

سعودی کو آرڈِنیٹربدر رحیل البلوی اور تبوک کرکٹ ایسوسی ایشن کے صدر چوہدری بلال احمد و دیگر ذمہ داران نے جدہ سینٹر ا ور ایشین کرکٹ کے تعاون کو سراہا جس سے ایسوسی ایشن مزید ترقی کرے گی۔پروگرام کے آخر میں کورس میں شریک کھلاڑیوں کا امتحان لیاگیا جس کا رزلٹ ایشین کرکٹ ایشین کی طرف سے جاری کیا جائیگا۔