ایرانی بحریہ کی جانب سے جدید دفاعی آلات کی نمائش

تہران ۔ ۔۔ ایرانی بحریہ نے اپنے کمانڈر کی موجودگی میں جدید ترین دفاعی مصنوعات کی نمائش کی ہے۔ ایران کی بحریہ کے کمانڈر ایڈمرل حسین خانزادے کی موجودگی میں بحریہ نے گزشتہ روز ایرانی ماہرین کی کاوشوں سے بحریہ کے جدید قسم کے آلات کی رونمائی کی۔ ایرانی ماہرین کے تیار کردہ ان آلات میں ڈیجیٹل آٹو پائلٹ، تارپیڈو ایکسپیری مینٹر سسٹم، ریموٹ کنٹرول ڈرون بوٹ، برننگ تارپیڈو نیٹیو فیول، لارجسٹ ٹریننگ شپ، نینو کوٹنگ، تھنڈر بولٹ ٹیسٹر، مکران کار اور وار گیم سمولیٹر شامل ہیں۔