اسلام آباد...قومی اسمبلی میں قائد حزب اختلاف خورشید شاہ نے کہا ہے کہ حالات ہمیں بھی مشکوک لگ رہے ہیں۔ اسپیکرنے اسمبلیوں کے مستقبل کے بارے میں اندر کی خبر دی۔پارلیمان کو ربڑ اسٹمپ بننے دیں گے۔قومی اسمبلی میں اسپیکرکے خدشات پر ردعمل کا اظہار کرتے ہوئے خورشید شاہ نے کہا کہ ایک سیاسی جماعت دبا و ڈال رہی ہے کہ فوری انتخابات نہ ہوئے تو خانہ جنگی شروع ہو جائے گی۔انہوں نے کہا جن خطرات سے ملک گزر رہا ہے تمام اسٹیک ہولڈرز کو آنکھیں کھول کر چلنا ہو گا۔ اگر ریاستی ادارے کمزور ہوئے تو دنیا ہمیں معاف نہیں کرے گی۔ حالیہ امریکی اقدامات کے بعد پاکستان کو سوچ سمجھ کر فیصلے کرنا ہوں گے۔ انہوں نے کہا کہ یہ پارلیمنٹ پاکستان کی ہے۔ کسی گورے کالے یا کسی حکومتی گورے کی نہیں۔ کوئی پارلیمنٹ کی بالا دستی پر حاوی نہیں ہو سکتا۔ پاکستان کے آئین کو مانتے ہیں۔ ہند، انگریز یا افغانستان کا نظریہ ماننے کو تیار نہیں۔دنیا میں مسلمانوں کے لئے بہت سے مسائل ہیں۔مقبوضہ بیت المقدس کا مسئلہ کھڑا ہو رہا ہے۔ انہوں نے کہا کہ ایک بیٹے کو مراعات دی جائیں اور دوسرے کو محروم رکھا جائے یہ کہاں کا انصاف ہے۔فاٹا کے 95 فیصد لوگ متفق ہیں کہ پاکستان میں شامل ہونا ہے۔ فاٹا پاکستان کا حصہ ہے اور رہے گا۔ا نہیں تمام حقوق د ئیے جائیں۔
