چاکلیٹ فیس پیک

چاکلیٹ کھانا بھلا کسے پسند نہ ہوگا ؟ جسے دیکھو چاکلیٹ کا شیدائی  نظر آتا ہے   . خاص طور پر میٹھا پسند کرنے والے افراد کو چاکلیٹ سے دور رکھنا ناممکن ہے  .  لیکن کیا آپ جانتے ہیں کہ یہ جلد کے لیے بھی فائدہ مند ہے ؟ 

کبھی ان لمحات کو یاد کیجئے جب آپ کی سالگرہ  کے موقع پر چاکلیٹ کیک آپ کے منہ  پر مل دیہ گیا ہو .  یقین کیجئے وہ آپ کے  چہرے کے لیے ٹریٹ تھی کیونکہ چاکلیٹ  چہرے کو نمی  فراہم کرکے اسے نرم وملائم بنا دیتی ہے . آپ اپنی جلد کو ہائیڈریٹڈ رکھنے کے لیے گھر پر چاکلیٹ فیس پیک بنا سکتے ہیں  . چاکلیٹ  میں اینٹی آکسیڈنٹس کثیر مقدار میں پائے جاتے ہیں جو جلد کو نقصان پہنچنے سے بچاتے ہیں .  چاکلیٹ  جلد میں چمک پیدا کرتی ہے اور چہرے پر ظاہر ہونے والے  بڑھتی عمر کے اثرات کو روکنے میں مدد دیتی ہے .  اس کے اندر جلد کو سورج کی الٹراوائلٹ شعاعوں سے بچانے کی صلاحیت بھی موجود ہے . یہ جلد  کو مختلف کیمیائی اور زہریلے مادوں کے اثرات سے بھی بچاتی ہے . 

 گھر پر چاکلیٹ فیس پیک بنانا انتہائی آسان ہے  . ایک باؤل میں ایک چمچ زیتون کا تیل  ، ایک چمچ ونیلا ایکسٹریکٹ ،  ایک چمچ براؤن شوگر ،  اورایک چمچ  پگھلا ہوا کو کا لے کر بلینڈ کرلیں .  فیس پیک کو چہرے پر لگانے سے پہلے  چہرہ اچھی طرح دھو لیں اور جلد پر موجود تمام میل کچیل ،  چکنائی اور مردہ خلیات کو  کلینزر کی مدد سے صاف کردیں  .  اس  فیس پیک کو چہرے پر لگائیں اور دس سے بارہ منٹ تک  لگا رہنے دیں  . پھر رگڑ کر چہرے سے اتار دیں .  یہ جلد کو نرم وملائم بنانے اور نمی فراہم کرنے کے لیے بہترین فیس پیک ہے.  آزما کر  دیکھیں.