اصل اسٹیج ڈرامہ کہیں گم ہوچکا ، حسن مراد

سینیئر اداکار حسن مراد نے کہا ہے کہ اصل اسٹیج ڈرامہ کہیں گم ہوچکا ۔ آ ج اسٹیج ڈرامے کے نام پر رقص کی مقابلے بازی کا رحجان فروغ پارہا ہے۔میں جس دور مےں ڈرامہ کرنے آیا توصرف ڈرامے کی کاسٹ ریہرسل کیا کرتی تھی ۔ پروڈیوسر کو ریہرسل مےں بیٹھنے کی اجازت بھی نہیں ہوتی تھی مگر پھر حالات کی ستم ظریفی یہ بھی دیکھی کہ ڈرامہ پروڈیوسر ،رائٹر اورڈائریکٹر بھی بن گیاجبکہ اس کو اسٹیج ڈرامے کی الف ب کا علم بھی نہیںتھا ۔

یہ بھی پڑھئے:مہوش حیات چینی خاتون کے روپ میں

آ ج بھی ایسے لوگ موجود ہیں جو اسٹیج ڈرامے کو اس کی اصل شکل مےں بحال کرنے کی جدوجہد کررہے ہیں ۔انہوںنے کہا کہ میرے استاد جمیل بسمل تھے جنہوںنے مجھے تھیٹر میںمتعارف کروایا اورمیں اپنی کامیابیوں کا کریڈٹ ان کو دیتا ہوں ۔ لابنگ پر یقین نہیں رکھتا بلکہ اپنی مرضی کا مالک ہوں۔ جہاں اچھا کردار ملتا ہے، وہاں اسٹیج ڈرامے کو ترجیح دیتا ہوں۔ نجی ٹی وی چینل کے مزاحیہ شوسے میری پہچان پورے پاکستان میںپھیل چکی ہے۔