اسلام آباد... سپریم کورٹ کے چیف جسٹس ثاقب نثار نے اسکرٹ سے متعلق متنازع بیان پر معذرت کرلی ۔انہوں نے کہا کہ اگر کراچی میں کی گئی تقریر سے کسی کی دل آزاری ہوئی ہے تو معذرت خواہ ہوں، میرا مقصد کسی کی دل آزاری نہیں تھا۔ کیس کی سماعت کے دوران چیف جسٹس نے اپنے ریمارکس میں کہاکہ اسکرٹ کے بارے میں چرچل کا قول دہراکر مثال دی تھی ۔خواتین ہمارے معاشرے کا 50 فیصد حصہ ہیں۔ سوشل میڈیا پر اس بات پر ایشو بنانے کی کوشش کی گئی ۔ واضح رہے کہ چیف جسٹس نے کہا تھا کہ تقریر کی طوالت عورت کے اسکرٹ کی طرح ہونی چاہیے جو نہ اتنی لمبی ہو کہ لوگ اس میں دلچسپی نہ لیں اور نہ اتنی مختصر کہ موضوع کا احاطہ نہ کر سکے۔
