آسٹریلین اوپن ویمنز سنگل: کیرولین وزنیسکی نے جیت لیا

میلبورن:عالمی نمبر ون ڈنمارک کی ٹینس اسٹار کیرولین وزنیسکی نے آسٹریلین اوپن ویمنز سنگل کے فائنل میں رینکنگ میں دوسرے نمبر کی اسٹار کھلاڑی رومانیہ کی سیمونا ہیلپ کو 6-6،7-3اور 4-6سے ہرا کر پہلا گرینڈ سلام ٹائٹل جیت لیا۔ میلبورن کے 30درجے سینٹی گریڈ گرم موسم میں 2گھنٹے اور 49منٹ جاری رہنے والے اس فائنل میں بہت دلچسپ اور بھرپور مقابلہ دیکھنے میںآیا۔ موسمی رطوبت کے باعث دوسرے اور تیسرے سیٹ کے درمیان 10منٹ کا وقفہ دیا گیا۔رنر اپ ہیلپ کا کہنا تھا کہ مجھے میچ کے دوران وقفے کی سخت ضرورت تھی کیونکہ گرمی کے باعث میرا دماغ چکرانا شروع ہو گیاتھا۔ ٹینس اسٹار کیرولین وزنیسکی نے جیت کے بعد آنکھوں میں خوشی کے آنسو بھرتے ہوئے کہا کہ میں کئی سال سے آسٹریلین اوپن جیتنے کا خواب دیکھ رہی تھی جو آج سچ ثابت ہوا۔رنر اپ سیمونا ہیلپ کو مخاطب کرتے ہوئے انہوں نے کہا کہ مجھے افسوس ہے کہ آپ نہیں جیت سکیں لیکن ہمیں مستقبل میں ایک دوسرے کے مقابل کھیلنے کے کئی مواقع میسر آئیں گے۔