شیاؤمی کمپنی نے دو نئے اسمارٹ ٹی وی باکس لانچ کر دئیے
شیاؤمی کمپنی نے فور کے ایچ ڈی آر سپورٹ کے ساتھ دو نئے اسمارٹ ٹی وی می باکس 4 اور می باکس 4 سی متعارف کروا دیے ہیں۔ دونوں اسمارٹ ٹی وی باکسز میں آرٹیفیشل انٹیلیجنس پر مبنی یوزر انٹرفیس دیا گیا ہے۔می باکس 4 میں 2 جی بی ریم اور 8 جی بی اسٹوریج جبکہ می باکس 4 سی میں 1 جی بی ریم اور 8 جی بی میموری دی گئی ہے۔دونوں ڈیوائسز میں وائی فائے سپورٹ دی گئی ہے جبکہ می 4 میں بلیوٹوتھ سپورٹ بھی شامل کی گئی ہے۔ ڈیوائسز میں ایک ایچ ڈی ایم آئی پورٹ ، ایک یو ایس بی 2.0 پورٹ اور ہیڈ فون جیک بھی دیا گیا ہے۔می باکس 4 کی قیمت 349 یان جبکہ می باکس 4 سی کی قیمت 249 یان ہے اور انہیں کمپنی کی آفیشل ویب سائٹ سے پری آرڈر کیا جاسکتا ہے۔ باکس کی باقاعدہ فروخت یکم فروری سے شروع ہو گی۔
