1400پاﺅنڈ وزنی اور 10فٹ طویل ریچھ نگراں سے مانوس

 نیویارک.... نیویارک میں 1400پاﺅنڈ وزنی اور 10فٹ طویل ریچھ اپنے نگراں سے اس قدر مانوس ہوچکا ہے کہ اب وہ اسکے بغیرنہیں رہتا۔ جب بھی نگراں اس کے پنجرے میں جاتا ہے ریچھ کی یہی خواہش ہوتی ہے کہ وہ اس کے سر پر ہاتھ پھیرے اور قریب ہی بیٹھا رہے۔ نیویار ک کے قریب جنگلی حیات کے مرکز میں یہ ادارہ قائم ہے۔ جہاںاس جیسے کئی ریچھ موجود ہیں۔ 24سالہ ریچھ جسے جمبو کہا جاتا ہے 1400پاﺅنڈ وزن کا ہے۔ اسکی عمر 24 سال ہے۔ آج تک اس جانور نے کبھی بھی اپنے نگراں کو معمولی سی ضرر بھی نہیں پہنچائی۔ کوول زک نامی نگراں اپنا ہاتھ بھی اس کے منہ میں ڈالدیتا ہے مگر وہ اسے چباتا تک نہیں۔