نابالغ لڑکی سے زیادتی کے ملزم کو سزائے موت دی جائے، وسندھرا راجے
جے پور۔۔۔۔راجستھان کی وزیر اعلیٰ وسندھرا راجے نے کہا کہ نابالغ لڑکی کے ساتھ زیادتی کرنیوالوں کو سزائے موت دی جانی چاہئے۔سندھیا نے اسمبلی میں بجٹ پر ہونیوالی بحث کے دوران سوالوں کا جواب دیتے ہوئے کہاکہ حکومت کی طرف سے پیش کردہ بجٹ پر اپوزیشن کو کچھ کہنے کا موقع نہیں ملا۔اپوزیشن کے شورشرابہ پر انہوں نے یہ شعر عرض کیا’’کام کرو ایسے کہ پہچان بن جائے:: ہرقدم چلو ایسے کہ نشان بن جائے‘‘۔وقفہ صفر کے بعد اپوزیشن لیڈر چاہ ایوان میں آکر نعرے بازی کرنے لگے۔ کانگریس کے ارکان اسمبلی نے’’ جمہوریت میں آمریت نہیں چلے گی‘‘ ،’’جھوٹے اور من گھڑت اعلانات کرنا بند کرو ‘‘کے نعرے لگاتے رہے۔
