سائنس ڈیسک
سال 2006 ء میں سورج پر تحقیق کیلئے اس کے قریب ایک خلائی جہاز روانہ کیاگیا تھا جس سے 2 سال قبل رابطہ ٹوٹ گیا تھا تاہم ماہرین کاکہناہے کہ حال ہی میں اس خلائی جہاز سے دوبارہ رابطہ بحال ہوگیا ہے۔
ان جڑواں خلائی کھوجیوں کو’’ سولر ٹیرسٹریل ریلیشنزآبزوریٹری‘‘ یا’’ اسٹیریو‘‘ کا نام دیا گیا تھا۔ اسے سورج کے قریب جاکر اس کی سطح سے پھوٹنے والے پلازما کے شعلے اور چارج شدہ ذرات کا مطالعہ کرنا تھا جسے سورج کا مقناطیسی میدان کہتے ہیں۔ واضح رہے کہ سورج کی یہ سرگرمی زمین پر موجود نظام کو بھی متاثر کرتی رہتی ہے۔
ان میں سے ایک خلائی جہاز اسٹیریو بی پیچھے رہ گیا جب کہ اسٹیریو اے اب تک ٹھیک سے کام کررہا ہے۔ اگرچہ خلائی جہازوں کی زندگی صرف 2 سال ہی تھی لیکن معلوم ہوا ہے کہ 3 ماہ کے لئے خلائی جہاز سورج کے پیچھے وہاں پہنچ گئے تھے جہاں زمین سے رابطہ ممکن ہی نہیںرہاتھا۔ ’’اسٹیریو ۔بی‘‘ کسی طرح سے ناکارہ ہوگیا تھاجب کہ اکتوبر 2014 ء کو’’ اسٹیریو ۔اے ‘‘بھی خاموش ہوگیا تھالیکن ناسا کے ڈیپ اسپیس نیٹ ورک سے اس خلائی جہاز کی خبر لینے کی کوشش کی گئی تو 21 اگست کو دوبارہ اس سے کامیاب رابطہ ہوگیا۔
ماہرین کا کہنا ہے کہ وہ اس خلائی جہازسے رابطے کے بعد اس میں خرابی معلوم کرنے کی کوشش کررہے ہیں یوں اس سے مزید معلومات حاصل کرنے میں کامیابی ممکن ہو سکے گی۔
2 سال سے غائب خلائی جہاز سے دوبارہ رابطہ
