نزلہ زکام صحت کا ایک عام مسئلہ ہے جو بدلتے موسم کے ساتھ تقریباً ہر شخص کو متاثر کرتا ہے . یہ قوت مدافعت میں کمی اور اعصابی نظام کی کمزوری کے باعث بھی ہوتا ہے . ناک کی جھلی میں پیدا ہونے والی خشکی بھی نزلہ زکام کا باعث بنتی ہے . اس مسئلے سے بچنے کے لیے روزانہ ناشتے میں دودھ کے استعمال کو یقینی بنائیں . چائے ، کافی اور سبز چائے جیسے گرم مشروبات کا استعمال گرمیوں میں کم سے کم کریں . تمباکو اور چھالیا نہ کھائیں . ساتھ ہی لہسن اور ادرک کا استعمال بھی کم کر دیں کیونکہ یہ جسم میں گرمی اور خشکی پیدا کرتے ہیں . ورزش کو اپنا معمول بنائیں تاکہ آپ کے دوران خون میں اضافہ ہو اور آپ کی قوت مدافعت بڑھے .
ماہرین کے مطابق جب آپ کو چھینکیں آنا شروع ہو ں تو گرم پانی میں نمک ڈال کر ا س سے گلے اور ناک کو اچھی طرح دھوئیں تاکہ جراثیموں کا خاتمہ ہوجائے . اس کے علاوہ پانچ گرام بیدانہ لے کر گرم پانی میں بھگو دیں اور اس کے بعد پانی کو چھان کر صبح و شام پانچ سے سات دن تک پیئیں . اس سے نزلے اور چھینکوں میں آرام آجائے گا . گلے کی خراش انتہائی تکلیف دہ ہوتی ہے اس سے آرام کے لیے املتاس کا گودا ایک کپ پانی میں ابالیں اور چھان کر اس کے غرارے کریں . بہت جلد انفیکشن کنٹرول ہو جائے گا .
