ایل جی کمپنی مئی میں دو نئے اسمارٹ فون جی 7 اور جی 7 پلس پیش کرنے جا رہی ہے۔ اس اسمارٹ فون میں آئی فون ایکس کی طرح نوچ اور او ایل ای ڈی ڈسپلے دیا جائے گا ۔ ارٹیفیشل انٹیلیجنس کیمرہ فیچرز کو بھی فون کا حصہ بنایا جائے گا۔ فون میں ممکنہ طور پر 6 انچ او ایل ای ڈی ڈسپلے ، 4/6 جی بی ریم اور 64/128 جی بی اسٹوریج دیا جائے گا۔اسمارٹ فون کے کیمرہ سیٹ اپ میں 16 میگا پکسل کا ڈوئل بیک کیمرہ شامل ہو گا۔ فون کی بیٹری 3000 ملی ایمپیئر آورز کی ہوگی۔ جی 7 کی قیمت سیریز کے پچھلے فون سے چھ ہزار ہندوستانی روپے زیادہ ہوگی۔
