جائداد اور پنشن کے مسئلہ پر جھگڑا ، بہو نے سسر کا سرقلم کر دیا

    لکھنؤ- - - - -ضلع میں جیت پور کے نون ہرا گاؤں میں جائیداد کی تقسیم اورپنشن کی  آدھی رقم نہ دینے پرناراض بہو نےسسر کا سرگنڈاسہ سے کاٹ کر قتل کردیا۔ صدر جمہوریہ ایوارڈ یافتہ سبکدوش ٹیچر کا دن دہاڑے  قتل سے علاقے میں سنسنی پھیل گئی۔ قتل کے بعد بہو نےپولیس کو فون کرکے قتل کی اطلاع دی۔ پولیس نے موقع پر پہنچ کر بہو کو آلہ قتل کے ساتھ گرفتار کرلیااور لاش کو قبضے میں لے کر پوسٹ مارٹم کیلئے بھیج دیا۔ پولیس نے مقتول کے بیٹے کی رپورٹ پر مقدمہ درج کرکے تفتیش شروع کردی ۔تفصیلات کے مطابق سسر68سالہ رام کمار موریہ اپنے کمرے میں ٹی وی دیکھ رہے تھے۔ اسی دوران ان کی چھوٹی بہو سمن ہاتھ میں گنڈاسہ لئے کمرے میں داخل ہوئی اور اندر سے دروازہ بند کرکے رام کمار پرحملہ کرکے موقع پر ہی ہلاک کردیا۔ جیت پورتھانے کے ایس او جتندر سنگھ جائے وقوعہ پر پہنچ کرٹیچر رام کمار موریہ کی نعش برآمد کی ان کے جسم پر 17 سے زائد دھاردار آلے سے کئے گئے وارکے نشانات موجود تھے۔

مزید پڑھیں:- - - -سر! پاس کردینا ،میری ماں نہیں ہے،پاپامارڈالیں گے…!