سعودی سفیر سے سردار محمد یوسف کی ملاقات

اسلام آباد.... پاکستان میں سعودی سفیر نواف بن سعید المالکی سے وزیر اسلامی سردار محمد یوسف نے اسلام آباد میں سعودی سفارتخانے میں ملاقات کی۔ ملاقات کے دوران باہمی دلچسپی کے مختلف امور پر تبادلہ خیال کیا گیا۔ سردار محمد یوسف نے پاک سعودی دوستی کے مزید فروغ پر زو ر دیتے ہوئے حرمین شریفین کی خدمت اور معتمرین و زائر ین اور عازمین کو پیش کی جانے والی سہولتوں پر خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان کا شکریہ ادا کیا۔