منشیات کی اسمگلنگ کے الزام سے بے قصور مصری خاتون رہا

جدہ.... یہاں مصر کے قونصلر جنرل ڈاکٹر حازم رمضان نے واضح کیا ہے کہ سعودی حکومت نے 17 ہزار نشہ آور گولیوں کی اسمگلنگ کے الزام سے بے قصور ثابت ہوجانے پر مصری خاتون سعدیہ عبدالسلام العاصی کو رہا کردیا۔ انہوں نے بتایا کہ مصری قونصل خانے نے سعودی حکام کو مذکورہ ق ضیے میں مصری پبلک پراسیکیوشن کی تحقیقاتی رپورٹ پیش کی تھی جس میں سعدیہ بے قصور ثابت ہوگئی تھی۔ تحقیقات سے پتہ چلا تا کہ سعدیہ نے جو بزرگ خاتون ہیں عمرے کی خواہش ظاہر کی تھی ۔ ایک مصری شہری نے ان کے اس جذبے کا ناجائز فائدہ اٹھاتے ہوئے ان کے سامان میں نشہ آور گولیاں ٹھونس دی تھیں جن کا انہیں علم ہی نہیں تھا۔ رمضان نے بتایا کہ قونصل خانہ ان کے معاملے کی پیروی کررہا تھا۔ سعودی حکام نے عمرہ پر آئی مصری خاتون کے ساتھ اتنہائی اعزاز و اکرام کا معاملہ کیا۔ اب وہ عمرہ کرکے وطن واپس چلی جائیں گی۔