مائیک پومپیو ، شمالی کوریا پہنچ گئے

 پیانگ یانگ.... امریکی وزیر خارجہ مائیک پومپیو شمالی کوریا پہنچ گئے جہاں وہ حکام سے ملاقات کے دوران دونوں ممالک کے صدور کے درمیان ہونے والی ملاقات کا ایجنڈا طے کریں گے۔ پومپیو کا یہ شمالی کوریا کا دوسرا دورہ ہے۔اس سے قبل انہوں نے اپنے عہدہ کا حلف اٹھانے سے قبل گزشتہ ماہ کم جونگ ان سے ملاقات کی تھی۔مائیک پومپیو کا کہنا تھا کہ گزشتہ ملاقات میں شمالی کوریا سے اچھے تعلقات کی بنیاد رکھی گئی ۔ 2000 ءکے بعد سے امریکا کی جانب سے شمالی کوریا سے یہ پہلا اعلیٰ سطح کا رابطہ تھا۔امریکی وزیرخارجہ اپنے دورے کے دوران شمالی کوریا کے حکام سے ملاقاتیں کریں گے جس کے دوران صدر ڈونلڈ ٹرمپ اور شمالی کوریا کے سپریم لیڈر کم جونگ ان کے درمیان ہونے والی ملاقات کی تاریخ اور ایجنڈا طے کریں گے۔وزیرخارجہ کا کہنا تھا کہ وہ پرامید ہیں کہ شمالی کوریا درست راہ پر چلے گا اور جیل میں قید تین امریکیوں کو رہا کرے گا جنہیں 17 ماہ سے قید کر رکھا ہے۔