ورلڈ کپ وارم اپ:فرانس اور آسٹریلیا کی فتح

  نیس: وارم اپ فٹ بال میچز میں فرانس نے اٹلی ، آسٹریلیا نے جمہوریہ چیک، جارجیا نے مالٹا اور بوسنیا ہرزیگوینا نے جنوبی کوریا کو ہرا دیا۔ رواں ماہ شیڈول ورلڈ کپ کی تیاری کے سلسلے میں کھیلے گئے وارم اپ فٹ بال میچز میں فرانس نے شاندار کھیل پیش کرتے ہوئے اٹلی کو ایک کے مقابلے میں 3گول سے ہرا کر حریف ٹیموں کیلئے خطرے کی گھنٹی بجا دی۔ ایک اور میچ میں آسٹریلیا نے جمہوریہ چیک کو یکطرفہ مقابلے کے بعد 0-4 گول سے ہرایا۔ جارجیا نے مالٹا کو زبردست مقابلے کے بعد 0-1 سے شکست دی۔ بوسنیا ہرزیگووینا نے بھی عمدہ کارکردگی کا مظاہرہ کرتے ہوئے جنوبی کوریا کو 1-3 سے ہرا کر کامیابی سمیٹی۔ ترکی اور تیونس کے درمیان میچ 2-2 گول سے برابری پر ختم ہوا۔ مصر اور کولمبیا کے درمیان کھیلا گیا میچ بھی بغیر کسی گول کے برابر رہا۔