پاکستان میں خواندگی کی شرح 58 فیصد

اسلا م آباد..دنیا بھر کی طرح پاکستان میں بھی ہفتہ کو خواندگی کا دن منایا گیا۔ یونیسکو کی رپورٹ کے مطابق پاکستان میں خواندگی کی شرح 58 فیصد ہے۔ پنجاب میں صورت حال دیگر صوبوں کی نسبت بہتر ہے۔خواندگی کی شرح پنجاب میں سب سے بہتر 71 فیصد ہے۔سندھ 69 ، کے پی کے 60 اور بلوچستان میں 50 فیصد آبادی خواندہ ہے۔ پنجاب میں 64فیصد خواتین ناخواندہ ہیں۔بلوچستان کی 87 فیصد،سندھ 78 فیصد اور خیبرپختونخوا میں 69 فیصد خواتین پڑھنا لکھنا نہیں جانتیں۔ پنجاب میں 46 فیصد بچے اسکول نہیں جاتے۔ماہر تعلیم ڈاکٹر طارق حسین نے کہا ہے کہ حکومت کو تعلیم کی اہمیت اجاگر کرنے کے لئے کام کرنا ہو گا۔ اگر وظائف د ئیے جائیں اور تعلیم مفت کر دی جائے تو شرح خواندگی میں نمایاں اضافہ ہو گا۔