امریتا راﺅ 5 سال بعد واپس

بالی وڈ اداکارہ امریتا راﺅ 5سال کے بعد فلم ”ٹھاکرے“ سے فلمی دنیا میں واپس آگئیں جس میں وہ مینا تائی کا کردار ادا کریں گی۔ ذرائع کے مطابق اس سلسلے میں فلم ”ٹھاکرے“ کے پروڈیوسر سنجے راوت کا کہنا ہے کہ اداکارہ امریتا راﺅ فلم ”ٹھاکرے “ میں مینا تائی کا کردار ادا کریں گی جو فلم کے لئے بہترین انتخاب ہیں اور ان میں مینا تائی جیسی معصومیت ہے۔ انہوں نے کہا کہ مینا تائی بالا صاحب یعنی بال ٹھاکرے کی زندگی میں ریڑھ کی ہڈی کی حیثیت رکھتی تھیں۔ انہوں نے پورے خاندان کو متحد رکھا اور سیاست سے دور رہیں۔ فلم میں اداکار نوازالدین صدیقی بال ٹھاکرے کا کردار ادا کر رہے ہیں۔