ہر پاکستانی فوج کا سپاہی ہے،شہباز شریف

لاہور... قومی اسمبلی میں قائد حزب اختلاف و مسلم لیگ (ن) کے صدر محمد شہباز شریف نے کہا ہے کہ ہند کا غیر ذمہ دارانہ رویہ جنوبی ایشیا میں امن اور خطے میں ترقی کا دشمن ہے۔ہندوستانی مہم جوئی کا منہ توڑ جواب دیں گے۔بدلہ لینے کی بات کرنے والے جان لیں ہر پاکستانی فوج کا سپاہی ہے۔ہندوستانی آرمی چیف کے بیان پر ردعمل میں انہوں نے کہا کہ ہندوستانی آرمی چیف کو دھمکی دیتے ہوئے ستمبر کی تاریخ یاد کرلینی چاہیے تھی۔پاکستان ہماری ماں دھرتی ہے، اس کی عزت، وقار، تحفظ،دفاع اور سلامتی کے لئے فوج اور عوام ایک ہے۔کوئی غلط فہمی نہ رہے پاک فوج عوام کی مکمل قوت کے ساتھ دفاع وطن کے مقدس فرض کی بجا آوری کے ہمہ وقت تیار ہے۔انہوں نے کہا کہ کسی بھی ہندوستانی مہم جوئی پر پوری قوم اپنی شیر دلیر بہادر مسلح افواج کے شانہ بہ شانہ کھڑی ہوگی۔