مہنگے ترین آئی فونز میں ایک اور مسئلہ سامنے آگیا

ایپل کمپنی کے اب تک کہ مہنگے ترین آئی فونز آئی فون ایکس ایس اور آئی فون ایکس ایس میکس کو خریدنے والے صارفین کو شروع سے ہی مسائل کا سامنا کرنا پڑ رہا ہے۔ نئے آئی فونز میں ایک اور بڑا مسئلہ سامنے آگیا ہے اور صارفین کی شکایت کے مطابق اُن کے نئے آئی فون چارج نہیں ہو رہے ۔ متعدد صارفین نے ایپل سپورٹ کمیونیٹیز ، میک ریومرز ، ٹویٹر اور یوٹیوب کے ذریعے اپنی شکایات سامنے رکھی ہیں۔ صارفین کا کہنا ہے کہ آئی فون اس وقت تک چارج نہیں ہوتا جب تک اسکرین ایکٹو نہ ہو اور اس مقصد کے لیے انہیں لائٹنینگ کیبل نکال کر فون کو دوبارہ چارجنگ کے لیے ری پلگ کرنا پڑتا ہے ۔اب تک سینکڑوں صارفین کی جانب سے شکایات سامنے آ چکی ہیں تاہم کمپنی کی جانب سے کوئی اعلامیہ جاری نہیں کیا گیا۔