پیناسونک ایلوگا رے 600 اسمارٹ فون لانچ
جمعرات 11 اکتوبر 2018 3:00
پیناسونک کمپنی کی جانب سے ایلوگا ایکس 1 اور ایلوگا ایکس 1 پرو کے بعد ایلوگا رے 600 اسمارٹ فون بھی متعارف کرا دیا گیا ہے۔ اس فون میں 5.99 انچ ایچ ڈی پلس آئی پی ایس ڈسپلے ، اینڈرائڈ اوریو آپریٹنگ سسٹم ، کواڈ کور میڈیا ٹیک پروسیسر ، 3 جی بی ریم اور 32 جی بی اسٹوریج دیا گیا۔ اسٹوریج کو ایس ڈی کارڈ کی مدد سے 128 جی بی تک بڑھایا جا سکتا ہے ۔ فون کے کیمرہ سیٹ اپ میں پشت پر فلیش کے ساتھ 13 میگا پکسل کا سنسر دیا گیا ہے۔ فرنٹ کیمرہ 8 میگا پکسل کا ہے۔ کنکٹیویٹی کیلئے فون میں فورجی ، وائی فائی ، بلیوٹوتھ ، مائیکرو یو ایس بی اور او ٹی جی سپورٹ کی گئی ہے۔ اسمارٹ فون کی بیٹری 4000 ملی ایمپیئر آورز کی ہے۔ سیکیورٹی کیلئے فون میں فیس ان لاک فیچر بھی شامل کیا گیا ہے۔فون کو کالے ، نیلے اور سنہرے رنگ میں متعارف کرایا گیا ہے۔اسمارٹ فون کی قیمت 7999 ہندوستانی روپے ہے اور اسے فروخت کے لیے پیش کر دیا گیا ہے۔
