ایشین چیمپیئنز ٹرافی: 18رکنی پاکستانی اسکواڈ کا اعلان

لاہور:پاکستان ہاکی فیڈریشن نے 18اکتوبرسے عمان میں شروع ہونیوالی ایشین ہاکی چیمپیئنز ٹرافی کیلئے 18 رکنی قومی ٹیم کا اعلان کردیا ، رضوان سینیئر ٹیم کی قیادت کریں گے، عماد شکیل بٹ نائب کپتان ہوں گے۔ایشین چیمپیئنز ٹرافی 18 سے 28اکتوبر تک مسقط کے دارالحکومت عمان میں کھیلی جائیگی ۔اس ایونٹ کیلئے پاکستان ہاکی ٹیم کے اعلان کے مطابق 18رکنی اسکواڈ میں عمران بٹ، مظہر عباس، عرفان سینئر، علیم بلال، مبشر علی، عماد شکیل بٹ، تصور عباس، توثیق ارشد، عرفان جونیئر، رضوان جونیئر، عمر بھٹہ، ارسلان قادر، علی شان، عرفان سینئر، اعجاز احمد، عتیق ارشد، فیصل قادر، ابو بکر محمود اور محمد زبیر شامل ہیں۔اسکواڈ کے اعلان کے ساتھ ساتھ 7 کھلاڑیوں کو اسٹینڈ بائی رکھا گیا ہے تاکہ کسی کھلاڑی کے زخمی ہونے یا ایمرجنسی کی صورت میں اسے عمان بھیجا جا سکے۔پاکستان کی ٹیم ایشین چیمپیئنز ٹرافی میں پہلا میچ 19 اکتوبر کو جنوبی کوریا کے خلاف کھیلے گی جبکہ قومی ٹیم کا روایتی حریف ہند سے مقابلہ 20 اکتوبر کو ہو گا۔

کھیلوں کی مزید خبریں پڑھنے کیلئے اردونیوز " واٹس ایپ اسپورٹس" گروپ  جوائن کریں