سہیل خان نے فلم سے سلمان کی چھٹی کردی

بالی وڈ اداکار و ہدایت کار سہیل خان نے نئی فلم ”شیرخان“ سے اپنے بھائی سلمان خان کی چھٹی کردی ہے۔نامور اداکار سہیل خان نے 7 سال قبل اپنی ہدایت کاری میں بننے والی فلم ’شیر خان ‘ میں اپنے بڑے بھائی سلمان خان کو مرکزی کردار کے لئے حتمی قرار دیا تھا جبکہ معروف کامیڈین کپل شرما کو بھی فلم میں متعارف کرایاجانا تھا جوکہ آج کے مشہور کامیڈین ہیں۔خان فیملی نے ذاتی وجوہ کی بنا پر اس فلم کو بنانے کا ارادہ منسوخ کردیا تھا جس کے بعد فلم ’جے ہو‘ بنائی گئی جو کہ شائقین کی توقعات پر پورا نہ اتر سکی۔میڈیا رپورٹس کے مطابق سہیل خان نے چند ماہ قبل سے فلم ’شیر خان ‘ پر کام شروع کردیا ہے اور سلمان خان نے بھی فلم ’بھارت‘ کے بعد اس فلم کو کرنے کی ہامی بھرلی تھی لیکن خان فیملی کے قریبی ذرائع نے انکشاف کیا ہے کہ سہیل خان نے اب سلمان خان کو فلم میں شامل نہ کرنے کا فیصلہ کیا ہے۔سہیل خان نے فلم ’شیر خان‘ میں اپنے بھائی کی جگہ نئے چہرے کو شامل کرنے کے لئے باقاعدہ طور پر تلاش شروع کردی ہے جوکہ سلو میاں کے چاہنے والوں کے لئے کوئی اچھی خبر نہیں ۔