ثانیہ مرزا اپنے بیٹے اذہان مرزا ملک کیساتھ سوشل میڈیا پر

  حیدرآباد دکن: ہندوستانی ٹینس اسٹار ثانیہ مرزا اور پاکستانی کرکٹر شعیب ملک کے ہاں گزشتہ ماہ بیٹے کی ولادت ہوئی جس کا نام انہوں نے" اذہان مرزا ملک" رکھا۔ شعیب اور ثانیہ ان دنوں اپنے بیٹے کے ساتھ زندگی کا نیا سفر انجوائے کررہے ہیں ۔ ثانیہ مرزا نے سوشل میڈیا پر اپنی اور بیٹے اذہان کی ایک تصویر شیئر کی ہے جس میں وہ اذہان کو گود میں لئے بیٹھی ہیں۔ ثانیہ مرزا کی اس پوسٹ کو 25 ہزار سے زائد پرستاروں کی جانب سے پسند کیا جاچکا ہے۔چند روز قبل ثانیہ مرزا نے 32 ویں سالگرہ اپنے بیٹے اذہان اور شوہر شعیب ملک کے ساتھ منائی تھی جس پر پیغام جاری کرتے ہوئے شعیب ملک کا کہنا تھا کہ’ ان کی زندگی سیٹ ہے، الحمدللہ، الحمدللہ، الحمدللہ۔ ‘اس سے قبل ثانیہ مرزا نے بیٹے کی ولادت کے بعد پہلاجذباتی ٹوئٹ کرتے ہوئے کہاتھا کہ ماں بننے کی حیثیت سے میرا اور میرے بیٹے اذہان کو ایک ساتھ 5 دن ہو گئے۔ہم دونوں نے ایک ساتھ ’بابا‘ کو کرکٹ کھیلتے ہوئے دیکھا اور خوب مزے کئے۔یہ ٹوئٹ کرتے ہوئے ثانیہ اتنی زیادہ جذباتی ہو گئیں کہ انہیں مزید کچھ کہنے کیلئے الفاظ نہیں ملے۔ ثانیہ مرزا کے ہاں 30اکتوبر کو بیٹے کی ولادت ہوئی تھی جس کے بعد شعیب ملک شارجہ میں جاری ٹی 10لیگ سے زیادہ اپنی فیملی کو ترجیح دیتے ہوئے لیگ میں شرکت نہ کرنے کا فیصلہ کیا۔

کھیلوں کی مزید خبریں اور تجزیئے پڑھنے کیلئے واٹس ایپ گروپ"اردو نیوزاسپورٹس"جوائن کریں