ترکی میں ہیلی کاپٹر گر کر تباہ، 4 فوجی ہلاک

استنبول... ترکی کے شہر استنبول کے رہائشی علاقے میں فوجی ہیلی کاپٹر گر کر تباہ ہوگیا ۔ 4 فوجی اہلکار ہلاک ہوگئے۔ ملٹری ہیلی کاپٹر تربیتی پرواز پرتھا ۔ حادثے میں ایک اہلکار زخمی بھی ہوا ۔ہیلی کاپٹر 4 منزلہ عمارت سے ٹکرایا۔فوٹیج میں ہیلی کاپٹر کو رہائشی عمارتوں کی جانب بڑھتے اور ٹکراتے دیکھا جا سکتا ہے۔ رہائشی علاقے میں ہلاکتوں کے بارے میں کچھ نہیں بتایا گیا۔ وزیر دفاع نے جائے حادثہ کا دورہ کیا۔ انہوںنے بتایا کہ حادثے میں زخمی ہونے والے فوجی اہلکار کی حالت تشویشناک ہے ۔استنبول کے پبلک پراسیکیوٹر نے حادثے کی تحقیقات کا آغاز کردیا ۔