کابل دہشت گرد حملے میں46 ہلاک،3 حملہ آور مارے گئے

کابل.... افغانستان میں سرکاری عمارت پر دہشت گرد حملے کا ڈراپ سین ہوگیا۔ 46 افراد ہلاک اور 20سے زائد زخمی ہوئے ۔ دارالحکومت کابل میں سرکاری عمارت پر خود کش حملہ کیا گیا۔سیکیورٹی فورسز نے جوابی کارروائی کرتے ہوئے تینوں حملہ آوروں کو ہلاک کردیا۔حکام کے مطابق یہ سرکاری عمارت حساس علاقے میں قائم تھی۔ پہلے بارود سے بھری ایک گاڑی کو عمارت کے قریب دھماکے سے اڑایا گیا۔ بعد ازاں دہشت گردوں نے عمارت میں گھس کر اندھا دھند فائرنگ کی۔عمارت میں سیکڑوںافراد موجود تھے۔، لوگوں نے اپنے مدد آپ چھپ کر جان بچائی ۔ کئی افراد عمارت سے کود بھی گئی۔ حملہ کس دہشت گرد گروہ نے کیا یہ کہنا قبل از وقت ہوگا تاہم اس قسم کے حملے ماضی میں طالبان اور داعش کی جانب سے کئے جاچکے ہیں۔افغان حکام کے مطابق عمارت میں موجود 340 افراد کو بحاظت محفوظ مقام پر منتقل کردیا گیا۔ ہلاکتوں اور زخمیوں میں اضافے کا خدشہ ہے۔