جاپان کی آبادی میں کمی ریکارڈ

ٹوکیو...دنیا میں جاپان ایک ایساملک ہے جہاں سب سے زیادہ معمر افراد موجود ہیں۔ رواں سال جاپان میں آبادی میں  کمی دیکھی گئی۔ 2018 میں جاپان کی تاریخ کی کم ترین شرح پیدائش ہوئی جس سے آبادی میں بھی واضح کمی دیکھی گئی۔جاپانی حکومت کی جانب سے جاری اعداد وشمار میں کہا گیا کہ رواں برس آبادی میں زبردست کمی ہوئی ہے۔جاپان کی حکومت نے 2017 میں اعلان کیا تھا کہ 3 سال سے 5 سال کی عمر کے بچوں کی اسکول کی تعلیم اور 2 برس سے کم عمر غریب بچوں کے لئے مجموعی طور پر 18 ارب ڈالر پیکیج دیا جائے گا۔وزارت صحت، لیبر اور ویلفیئر کی رپورٹ کے مطابق 2018 میں آبادی میں کمی کے ساتھ 9 لاکھ 21 ہزار ریکارڈ ہوئی جو 1899 سے اب تک کی کم ترین شرح ہے۔جاپان کی آبادی میں 2017 کے مقابلے میں 25 ہزار نفوس کی کمی آئی ہے۔ یہ تعداد تیسرے سال بھی 10 لاکھ کی حد کو عبور نہ کرسکی۔دوسری جانب 2018 میں اموات کی شرح نے بھی جنگ عظیم کے بعد بننے والے 13 لاکھ 69 ہزار ریکارڈ کو چھوا جس سے آبادی میں 4 لاکھ 48 ہزار کی کمی آئی۔خیال رہے کہ جاپان کی مجموعی آبادی کی 20 فیصد 65 سال سے زائد عمر پر مشتمل ہونے پرسپر ایجڈ ملک قرار دیا جاتا ہے۔ رواں برس 12 کروڑ 40 لاکھ مجموعی آبادی تھی۔ 2065 تک مجموعی آبادی 8 کروڑ 80 لاکھ تک کم ہونے کا امکان ہے۔حکومتی رپورٹ میں کہا گیا کہ حکومت 2060 تک ملک کی آبادی کو 10 کروڑ سے کم ہونے سے بچانا چا ہتی ہے۔