چین میں پاکستان کیلئے جدید بحری جنگی جہاز کی تیاری

 بیجنگ...بیجنگ نے پاکستان کے لئے دفاعی معاہدے کے تحت جدید جنگی بحری جہاز بنانے کا آغاز کردیا ۔ چائنہ ڈیلی کی رپورٹ میں چین کے دفاعی کنٹریکٹر چائنہ اسٹیٹ شپ بلڈنگ کارپوریشن کا حوالہ دیتے ہوئے بتایا گیا کہ شپ کی تیاری کے عمل کا آغاز شنگھائی کے ہڈونگ ڑونگوا شپ یارڈ میں ہوا۔ یہ چین کا پاکستان کے لئے سب سے جدید جنگی بحری جہاز ہوگا۔ چینی اخبار نے پاک بحریہ کے حوالے سے بتایاکہ اس جہاز کی کلاس ٹائپ 054 اے پی ہے جو چین کی پیپلز لبریشن آرمی (پی ایل اے) نیوی کے ٹائپ 054 اے فریگیٹ جیسا ہوگا۔ پاکستان نے اس طرح کے 4 جہازوں کا آرڈر دے رکھا ہے۔گزشتہ سال جون میں پاک بحریہ نے اعلان کیا تھا کہ وہ اپنی جنگ لڑنے کی صلاحیت میں اضافے کے لئے2 ملٹی رول ٹائپ 054 اے فریگیٹس خرید رہے ہیں۔ پاک بحریہ کے ٹائپ 054 اے کے بیڑے میں 2021 تک 4 کا اضافہ ہوجائے گا۔پی ایل اے نیوی کے پاس 30 ٹائپ 054 اے شپ ہیں جن میں سے ہر ایک کا وزن 4 ہزار میٹرک ٹن ہے۔ اس میں جدید ریڈار اور میزائیل سسٹم نصب ہیں۔