ژولو ایرا 4 ایکس اسمارٹ فون متعارف
لاوا برانڈ ژولو کی جانب سے ایک سال کے لمبے وقفے کے بعد ایرا 4 ایکس اسمارٹ فون لانچ کر دیا گیا ہے۔ اسمارٹ فون میں 5.45 انچ ایچ ڈی پلس ڈسپلے اور کارننگ گوریلا گلاس پروٹیکشن دی گئی ہے۔ فون کی پشت پر ایل ای ڈی فلیش کے ساتھ 8 میگا پکسل کے کیمرے کو شامل کیا گیا ہے ۔ فرنٹ پر سیلفی فلیش کے ساتھ 5 میگا پکسل کا کیمرہ دیا گیا ہے۔ فرنٹ کیمرے میں فیس ان لاک فیچر کو بھی جگہ دی گئی ہے۔اسمارٹ فون کی بیٹری 3000 ملی ایمپیئر آورز کی ہے۔ فون کی قیمت 4444 ہندوستانی روپے ہے اور اسے 9 جنوری سے فروخت کے لیے پیش کیا جائے گا۔
