5 ماہ کے دوران 2517623 معتمرین ارض مقدس پہنچے
جمعرات 17 جنوری 2019 3:00
ریاض- - - - یکم محرم 1440 ھ سے منگل 9 جمادی الاول 1440 ھ تک عمرہ کیلئے 25 لاکھ 17 ہزار 623 افراد مملکت پہنچے جبکہ مذکورہ مدت کے دوران 21 لاکھ 38 ہزار 501 معتمرین اپنے وطن واپس لوٹ گئے۔ عمرہ موسم کے آغاز سے لے کر 17 جنوری 2019 ء تک بری، بحری اور فضائی راستوں سے پانچ ماہ کے دوران 45 لاکھ سے زیادہ افراد عمرہ کیلئے سعودی عرب آئے اور عمرہ کرکے اپنے وطن واپس گئے۔ محکمہ پاسپورٹ نے مملکت آتے اور جاتے وقت معتمرین کی امیگریشن کی کارروائی معیاری طریقے سے نمٹائی۔ محکمہ پاسپورٹ نے عمرہ پر آنے والوں سے کہا ہے کہ اگر کسی کے ذہن میں کوئی تجویز یا سوال ہو تو وہ مشترکہ رابطہ مرکز 992 یا ای میل ، یا سوشل ویب سائٹس پر پیش کرسکتا ہے۔
