سلمان خان ایک اور فلم میں پولیس اہلکار

بالی وڈ اداکار سلمان خان ہندی انٹرٹینمنٹ انڈسٹری کے پہلے اداکار ہیں جنہوں نے فلموں میں پولیس اہلکاروں کے مضبوط کردار کو متعارف کروایا۔سلمان خان کو دبنگ کا خطاب اپنی کامیاب فلم سیریز ’دبنگ‘ کے سامنے آنے اور اس کی کامیابی کے بعد ہی ملا۔دبنگ اور دبنگ 2 دونوں فلموں میں سلمان خان نے پولیس اہلکار کا کردار نبھایا جبکہ وہ اس وقت دبنگ 3 کی شوٹنگ میں مصروف ہیںاور اب اطلاعات ہیں کہ سلمان خان جلد ایک اور فلم میں پولیس اہلکار کا کردار نبھاتے نظر آئیں گے۔اس کی شوٹنگ ”بھارت“ اور’ ’دبنگ 3“ کی شوٹنگ مکمل ہونے کے بعد ہوگی۔فلم کا نام تاحال سامنے نہیں آیا، البتہ اسے 2020 میں ریلیز کرنے کا ارادہ ظاہر کیا جارہا ہے۔