سعودی عرب میں گالف ورلڈ ٹورنامنٹ

ریاض ۔۔۔ سعودی گالف آرگنائزیشن کے ترجمان یاسر الرمیان نے بتایا ہے کہ جلد ہی سعودی عرب میں گالف کو متعارف کرایا جائیگا۔ مملکت کے 13علاقوں میں گالف فیلڈز قائم کی جائیں گی۔ انہوں نے پریس کانفرنس کے دوران اعلان کیا کہ کنگ عبداللہ اکنامک سٹی میں رائل گرینز میں گالف فیلڈ قائم ہوگی۔ فی الوقت سعودی عرب میں گالف فیلڈ نہ ہونے کے برابر ہیں۔ پیشہ ور کھلاڑی 6فیلڈز قائم کئے ہوئے ہیں۔ سعودی عرب آج جمعرات کو تاریخ میں پہلی بار اپنے یہاں گالف کی عظیم الشان انٹرنیشنل ٹورنامنٹ کی میزبانی کریگا۔ اس میں دنیا کے 5بڑے کھلاڑیوںمیں سے 4شامل ہونگے۔ علاوہ ازیں3سعودی کھلاڑی عثمان الملا ، سعود الشریف اور عبدالرحمن المنصور بھی شریک ہونگے۔49ٹی وی اسٹیشن ٹورنامنٹ کی کوریج براہ راست دکھائیں گے۔ 100ملین ناظرین ٹی وی چینلز پر اسے دیکھیں گے۔