شردھا کی پروں والی ٹوپی، مداح ناراض

بالی وڈ اداکارہ شردھا کپور حال ہی میں اپنی ایک تصویر کے باعث کافی تنقید کا نشانہ بنی ہوئی ہیں۔ ہندوستانی میڈیا کے مطابق دبو رتنانی کی جانب سے ترتیب دیئے گئے سال نو کے کیلنڈر میں شردھا کی تصویر جس میں انہوں نے پروں والی ٹوپی پہن رکھی ہے ، سوشل میڈیا صارفین نے اس پر تنقید کی ہے اور اسے کلچر کا مذاق اڑانا قراردیاہے ۔یہ ٹوپی دراصل امریکی قبائلی سرداروں کی ثقافت مانی جاتی ہے۔ دبو رتنانی کی جانب سے کہاگیاہے کہ اس ٹوپی کا مقصد کسی کے کلچر کا مذاق اڑانا ہرگز نہیں تھا۔