عرفان خان صحتیاب

بالی وڈ اداکار عرفان خان کینسر جیسی مہلک بیماری کو شکست دیکر ایک بارپھر اداکاری کی دنیا میں لوٹ رہے ہیں۔ہندوستانی میڈیا کے مطابق اداکار عرفان خان امریکہ میں کینسر کے کامیاب علاج کے بعد واپس ہندوستان آگئے ہیں ۔جہاں ان کے ضروری ٹیسٹ کئے گئے۔ خبر ہے کہ عرفان خان بالکل ٹھیک ہیں۔ وہ اگلے ہفتے اپنی نئی فلم ”ہندی میڈیم“ کے سیکوئل پر کام شروع کریں گے۔ اس فلم میں پاکستانی اداکارہ صبا قمر کی جگہ کرینہ کپور پہلی بار عرفان کی ہیروئن بنیں گی۔