وحید مراد ۔ اسلام آباد
پاکستانی فوج کے ترجمان نے کہا ہے کہ پاکستانی فضائیہ نے لائن آف کنٹرول پر دو انڈین طیارے مار گرائے ہیں۔اس سے قبل انڈیا اور پاکستان نے ایک دوسرے پر لائن آف کنٹرول کی خلاف ورزی کے الزامات عائد کئے تھے۔
بدھ کو فوج کے ترجمان میجر جنرل آصف غفورنے ٹوئٹر پر بتایا کہ انڈیاکے طیاروں نے لائن آف کنٹرول کی خلاف ورزی کی جس پر انہیں مار گرایا گیا۔ان کا کہنا تھا کہ ’’بدھ کی صبح دو انڈین طیاروں نے لائن آ ف کنٹرول کی خلاف ورزی کی جس پر کاررائی کی گئی۔‘‘
In response to PAF strikes this morning as released by MoFA, IAF crossed LOC. PAF shot down two Indian aircrafts inside Pakistani airspace. One of the aircraft fell inside AJ&K while other fell inside IOK. One Indian pilot arrested by troops on ground while two in the area.
— Maj Gen Asif Ghafoor (@OfficialDGISPR) February 27, 2019
ترجمان نے کہا کہ ایک انڈین طیارہ پاکستان کے زیرانتظام کشمیر میں گرا ہے جس کے پائلٹ کو گرفتار کر لیا گیا ہے جبکہ دوسرے طیارے کا ملبہ انڈیا کے زیر انتظام کشمیر میں گرا ہے۔
اس سے قبل خبررساں اداروں رائٹرز اور پریس ٹرسٹ آف انڈیا نے انڈین حکام کے حوالے سے کہا تھا کہ پاکستانی فضائیہ کے طیاروں نے لائن آف کنٹرول پر راجوری سیکٹر میں فضائی حدود کی خلاف ورزی کی تھی تاہم پاکستان کے دفتر خارجہ کے ترجمان نے ایک بیان میں کہا کہ پاک فضائیہ نے پاکستانی حدود میں رہتے ہوئے لائن آف کنٹرول کے پار انڈین اہداف کو نشانہ بنایا ہے۔
دفتر خارجہ نے کہا کہ یہ کارروائی تسلسل سے ہونے والی انڈین جارحیت کا جواب نہیں تھا ،اس لیے غیر عسکری اہداف کو نشانہ بنایا تاکہ انسانی اور کولیٹرول نقصان کو کنٹرول کیا جا سکے۔ اس کا واحد مقصد پاکستان کے دفاع کی صلاحیت اور عزم کا اظہار تھا۔دفتر خارجہ کے مطابق ’’ہمارا ارادہ کشیدگی بڑھانے کا نہیں مگر اس طرف دھکیلا گیا تو ہم ہر صورتحال کے لئے تیار ہیں۔ اسی مقصد کے لیے ہم نے دن کے اجالے میں واضح طور پر خبردار کر کے کاروائی کی۔‘‘
بیان میں مزید کہا گیا کہ پاکستان اس راستے پر نہیں چلنا چاہتا اور پر امید ہے کہ انڈیا امن کو ایک موقع دے گا۔
#Pakistanstrikesback #PAF undertook strikes across LoC from Pakistani airspace. Sole purpose of this action was to demonstrate our right, will and capability for self defence. We do not wish to escalate but are fully prepared if forced into that paradigm#PakistanZindabad
— Dr Mohammad Faisal (@ForeignOfficePk) February 27, 2019
پاکستان نے 6 بھارتی اہداف کو نشانہ بنایا، دو جہاز گرائے، دو پائلٹ گرفتار کئے، فوجی ترجمان
دریں اثناء اسلام آباد میں اردو نیوز کے نامہ نگار وسیم کے مطابق پاکستان فوج کے ترجمان میجر جنرل آصف غفور نے صحافیوں کو بتایا کہ پاکستان نے بدھ کی صبح6بھارتی اہداف کو نشانہ بنایا اور اس دوران پاکستانی فضائی حدود کی خلاف ورزی کرنے والے دو بھارتی طیاروں کو گراتے ہوئے انکے دو پائلٹ حراست میں لے لئے جن میں سے ایک زخمی ہیں اور ان کا ایک فوجی ہسپتال میں علاج کیا جا رہا ہے۔
ان کا کہنا تھا کہ پاکستان کی طرف سے بھارتی اہداف کو نشانہ بنانے کے بعد دو بھارتی طیارے پاکستانی حدود میں داخل ہوئے جن کو پاکستان کی فضائی حدود میں نشانہ بنایا گیا۔ کاروائی کی فوٹیج جلد جاری کی جا رہی ہے۔ گرفتار بھارتی پائلٹوں کے ساتھ بہترین سلوک کیا جارہا ہے جیسا کہ ایک ذمہ دار ریاست کرتی ہے ۔
فوجی ترجمان نے بتایا کہ کاروائی سے قبل فیصلہ کیا گیا تھا کہ پاکستان کی طرف سے انسانی زندگی، کولیٹرل ڈیمیج اور ملٹری ٹارگٹس کو نقصان پہنچانے سے حتی الامکان بچا جائے گا۔انہوں نے اس بات سے انکار کیا کہ کاروائی کے دوران بھارت نے بھی ایک پاکستانی ایف16 طیارہ مار گرایا اور کہا کہ پاکستان نے اس اسٹرائیک میں ایف 16 طیارے استعمال ہی نہیں کئے۔
آصف غفور نے کہا کہ اس کاروائی کے باوجود پاکستان کشیدگی میں اضافہ نہیں چاہتا اورجنگ کی تمام تیاری اور اہلیت رکھتے ہوئے بھی بھارت کو امن کا پیغام دے رہا ہے کیونکہ جنگ میں صرف انسانیت ہارتی ہےتاہم انہوں نے کہا کہ جنگ مسلط ہونے کی صورت میں پاکستان اس کا بھرپور جواب دے گا۔
ایک سوال کے جواب میں انہوں نے کہا کہ ملکی فضائی حدود حالات کی وجہ سے بند ہیں۔
DG ISPR Press Conference - 27 February 2019https://t.co/anxo3UBMu3
— Maj Gen Asif Ghafoor (@OfficialDGISPR) February 27, 2019
