جدہ ایئرپورٹ کے ٹرمنل 1 میں 4 نئے انٹرنیشنل اسٹیشنوں کا اضافہ

جدہ کے نئے کنگ عبد العزیز انٹر نیشنل ایئرپورٹ میں 4 انٹرنیشنل اسٹیشنوں کا اضافہ کیا گیا ہے۔ ٹرمنل 1 سے پیر 30 ستمبر کو سعودی ایئرلائن کی فلائٹیں اربیل، شرم الشیخ، عمان اور اسکندریہ کے لئے پرواز کریں گی۔  

سبق ویب سائٹ کے مطابق ایئرپورٹ انتظامیہ نے کہا ہے کہ نئے اسٹیشنوں کے بعد ٹرمنل 1 کے انٹرنیشنل اسٹیشنوں کی تعداد 7 ہوجائے گی جبکہ 21 مقامی اسٹیشن اس کے علاوہ ہیں۔ 

انتظامیہ نے کہا ہے کہ ٹرمنل 1 کے مستقل انٹرنیشنل اسٹیشن ابوظبی، بحرین اور مسقط ہیں۔ پیر سے ان میں مزید 4 اسٹیشنوں کا اضافہ کیا جائے گا۔ 

واضح رہے کہ گزشتہ دنوں خادم حرمین شریفین شاہ سلمان بن عبد العزیز نے جدہ کے نئے ایئرپورٹ کا افتتاح کیا تھا۔