ریاض میں وزیر ثقافت شہزادہ بدر بن عبداللہ بن فرحان نے سعودی تھیٹر کا افتتاح کیا۔
عرب نیوز کے مطابق ریاض میں کنگ فہد کلچرل سنٹر کے نیشنل تھیٹر پر دکھائے جانے والے ڈرامے ’درایش النور‘ (روشنی کی کھڑکیاں) کے ذریعے تھیٹر کے نئے دور کا آغاز ہوا ہے۔
ڈرامے میں مقامی اداکاروں نایف خلف ، خالدصقر اور ابراہیم الحساوی نے ماضی اور حال کو سعودی عرب کے ثقافتی انداز کو بہترین پرفارمنس کے ذریعے پیش کیا ہے جس میں جدت بھی شامل ہے۔
افتتاح کے موقع پر وزیر ثقافت شہزادہ بدر بن عبد اللہ بن فرحان نے وزارت کو ملنے والے تھیٹر فنون کے لیے ’بے مثال‘ سطح کے تعاون پر شاہ سلمان بن عبدالعزیز اور ولی عہد شہزادہ محمد بن سلمان کا خاص طور پر شکریہ ادا کیا۔
ان کا کہنا تھا کہ سعودی عرب میں نئے جذبے کے ساتھ تھیٹر کا پردہ اٹھایا گیا ہے۔
ان کا کہنا تھا کہ فنونِ لطیفہ میں تھیٹر کی خاص اہمیت ہے اور سعودی عرب میں تھیٹر کے مستقبل کے حوالے سے ہمیں بڑی توقعات وابستہ ہیں۔ ہم چاہتے ہیں کہ سعودی عرب اس میدان میں آگے بڑھے۔
تھیٹر پسند کرنے والے افراد کے لیے خاص طور پر ثقافت اور تاریخی حوالہ جات قابل ترجیح ہوں گے۔ تھیٹر کے ہر ڈرامائی منظر کے بعد خوشی کے ساتھ تالیاں اور سیٹیاں بجتی رہیں جس سے اسٹیج کا ماحول خوشگوار ہوگیا۔
The inauguration ceremony of #SaudiArabia's National Theater Initiative saw the opening performance of the play Daraish Al-Nour (Windows of Light). Here's a glimpse of the show: https://t.co/uAuCqXnI5R pic.twitter.com/i2FF7MZ9wN
— Arab News (@arabnews) January 28, 2020
اس موقع پر نیشنل تھیٹر کے عہدیدار عبدالعزیز اسماعیل نے کہا کہ سعودی عرب کی ثقافت میں تھیٹر اہم تھا اوراب یہ ایک نئی شکل و صورت کے ساتھ بہتر قدم ثابت ہوگا
ان کا کہنا تھا کہ ہماری ثقافت کو ایک نئے انداز سے دکھانے کے لیے آج کا دن خاص حیثیت کا حامل ہے۔ ہم تھیٹر کے ذریعہ اپنے خیالات اور ثقافت دوبارہ اجاگر کریں گے۔
-
سعودی عرب کی خبروں کے لیے واٹس ایپ گروپ جوائن کریں
