حفاظتی اقدامات ، نیلام گھر بند

سعودی محکمہ امن عامہ نے اعلان کیا ہے کہ نئے کورونا وائرس سے بچاﺅ اور اس کا پھیلاﺅ روکنے کے لیے تمام نیلام گھر بند کردیے گئے ہیں۔

پابندی کے بموجب مختلف قسم کا پرانا اور استعمال شدہ سامان فروخت کرنے کے لیے کہیں بھی کسی بھی قسم کی نیلامی کی اجازت نہیں ہوگی۔

سبق ویب سائٹ کے مطابق سعودی عرب کے بڑے شہروں خصوصاً جدہ، ریاض، مکہ مکرمہ، مدینہ منورہ، دمام اور خمیس مشیط میں کاروں، ٹرکوں اور مختلف

قسم کی گاڑیوں کے نیلام گھر کھلے ہوئے ہیں۔عام طور پر ان نیلام گھروں میں جمعرات کو مقامی شہری اور مقیم غیرملکی جمع ہوکر گاڑیاں خریدتے اور فروخت کرتے ہیں۔ پابندی کے دوران اس سرگرمی کی اجازت نہیں۔

 مختلف شہروں میں  سبزی منڈی میں بھی کورونا وائرس کے پھیلنے کا امکان کے تحت  منڈیوں میں نیلامی کا سلسلہ بند کردیا گیا ہے۔

 اسی طرح مختلف شہروں میں پرانے فرنیچر کی نیلامی بھی جمعرات ، جمعہ اور ہفتے کی شام کو ہوتی ہے۔ اس میں بھی سعودی اور مقیم غیر ملکی کثیر تعداد میں جمع ہوتے ہیں۔ بھیڑ سے کورونا وائرس کے پھیلنے  کا کافی خطرہ ہوتا ہے اس لیے اس پر بھی پابندی لگادی گئی۔