غلاف کعبہ تین میٹر اوپر اٹھا دیا گیا

 سعودی عرب میں مسجد الحرام کی انتظامیہ نے نئے حج موسم پرغلاف کعبہ کا نچلا حصہ اوپراٹھا دیا ہے۔ ہر برس کی طرح اس سال بھی یہ کارروائی مسجد الحرام اور مسجد نبوی انتظامیہ کے سربراہ اعلی ڈاکٹر عبدالرحمن السدیس کی زیر نگرانی مکمل کی گئی۔

سعودی خبررساں ادارے ایس پی اے کے مطابق مسجد الحرام کی انتظامیہ نے تقریبا تین میٹر تک غلاف کعبہ اوپر کیا ہے جبکہ چاروں جانب سے دو میٹر چوڑے سفید کاٹن کے کپڑے سےاٹھائے گئےغلاف کعبہ کو ڈھک دیا گیا۔

غلاف کعبہ اٹھانے کی کارروائی میں غلاف کعبہ فیکٹری کے 50 ہنرمندوں نے حصہ لیا۔  یہ سب کارکن اس کام کے ماہر ہیں۔

یاد رہے کہ غلاف کعبہ رمضان اور حج ایام میں اوپر اٹھایا جاتا ہے۔غلاف کعبہ تین میٹر تک اٹھانے کی کارروائی اس لیے کی جاتی ہے تاکہ حج کے دوران غلاف کعبہ کو نقصان نہ پہنچے۔

اس سال بہت کم تعداد میں حجاج ہوں گے اس اقدام کا بنیادی مقصد  زائرین کو نئے کورونا وائرس لگنے سے بچانا ہے۔

حج ایام ختم ہوتے ہی غلاف کعبہ کو سابقہ پوزیشن میں بحال کر دیا جائے گا۔