ریاض: چوروں کا گروہ گرفتار، 17 کاریں برآمد

ریاض پولیس نے چوری کی 18 وارداتیں کرنے والا گروہ گرفتار کرلیا- دو افراد پر مشتمل ہے- ملزمان عمر کے تیسرے اور چوتھے عشرے میں ہیں-

سعودی خبررساں ادارے ایس پی اے کے مطابق ریاض پولیس کے معاون ترجمان خالد الکریدیس نے بتایا ہے  کہ ریاض پولیس نے مساجد، فارمیسیوں، تجارتی مراکز اور زیر تعمیر عمارتوں میں چوری کی 18 وارداتیں کرنے والے 2 مقامی شہریوں کو گرفتار کرلیا- ان کے قبضے سے  17 مسروقہ کاریں برآمد کرلی گئیں- گروہ گاڑیوں سے قیمتی سامان بھی نکال لیتے تھے اور پھر ان کاروں کو چوری کی واردات میں استعمال کرکے نذر آتش کردیتے تھے-

الکریدیس نے توجہ دلائی کہ چوری کرنے والوں کے قبضے  سے ایک ریوالور، پانچ گولیاں، رابطے کے لیے لاسلکی آلہ اور لوہا کاٹنے والی آلات برآمد ہوئے- دونوں کو حراست میں لے کر قانونی کارروائی کے لیے پبلک پراسیکیوشن کے حوالے کردیا گیا-

خود کو اپ ڈیٹ رکھیں، واٹس ایپ گروپ جوائن کریں