گذشتہ 24 گھنٹے میں 306 نئے مریض سامنے آئے ہیں ( فوٹو: ایس پی اے)
سعودی عرب میں بدھ کو بھی کورونا کے نئے کیسز 300 سے زیادہ سامنے آئے ہیں۔
سبق نیوز نے وزارت صحت کی جانب سے جاری بیان کے حوالے سے بتایا ہے کہ’ گذشتہ 24 گھنٹے میں کورونا کے 306 نئے مریض سامنے آئے جبکہ 290 افراد وائرس سے صحت یاب بھی ہوئے ہیں۔‘
وزرات صحت کے مطابق ’گذشتہ 24 گھنٹے کے دوران کورونا کے مزید تین مریض چل بسے۔ جس کے بعد اب تک مرنے والوں کی تعداد 6 ہزار 386 ہو گئی ہے۔‘
وزارت صحت کا کہنا ہے کہ ’مملکت میں کورونا کے ایکٹیوکیسز کی تعداد دو ہزار 159 ہے، جن میں سے 379 کی حالت نازک ہے جو انتہائی نگہداشت کے یونٹس میں زیرعلاج ہیں۔‘
جاری اعداد وشمار کے مطابق سب سے زیادہ مریض ریاض ریجن میں سامنے آئے، جن کی تعداد 124 ہے جبکہ الشرقیہ ریجن میں 58 افراد میں وائرس کی تصدیق ہوئی ہے۔
مکہ ریجن میں کورونا کے 52 مریض سامنے آئے جبکہ مدینہ ریجن میں مریضوں کی تعداد 13 رہی۔ القصیم ریجن میں 12 افراد میں کورونا وائرس کی تصدیق ہوئی ہے۔
اب تک تین لاکھ 68 ہزار افراد میں کورونا کی تصدیق ہو چکی ہے (فوٹو: ایس پی اے)
عسیر ریجن میں گیارہ، الحدود الشمالیہ ریجن میں نو، الباحہ اور جازان ریجن میں چھ ، چھ، نجران اور تبوک ریجن میں پانچ ، پانچ، الجوف ریجن میں تین جبکہ حائل ریجن میں دو مریض سامنے آئے ہیں۔
اب تک تین لاکھ 68 ہزار 945 افراد میں کورونا وائرس کی تصدیق ہو چکی ہے جن میں سے تین لاکھ 60 ہزار 400 افراد شفایاب بھی ہوئے ہیں۔
وزارت صحت کا کہنا ہے کہ کورونا سے بچاؤ کے لیے مقررہ احتیاطی تدابیر پر عمل کرنا ضروری ہے، جن میں سماجی فاصلے کا اصول انتہائی اہم ہے۔
