سب سے زیادہ مریض ریاض ریجن میں سامنے آئے ہیں(فوٹو سبق)
سعودی عرب میں کورونا کے نئے کیسز گزشتہ چند دنوں سے مسلسل 300 سے زیادہ سامنے آرہے ہیں۔
سبق نیوز نے وزارت صحت کی جانب سے جاری بیان کے حوالے سے بتایا ہے کہ’ اتوار کو گذشتہ 24 گھنٹے میں کورونا کے 317 نئے مریض سامنے آئے جبکہ 278 افراد وائرس سے صحت یاب بھی ہوئے ہیں۔‘
وزرات صحت کے مطابق ’گذشتہ 24 گھنٹے کے دوران کورونا کے مزید پانچ مریض چل بسے۔ جس کے بعد مرنے والوں کی تعداد 6 ہزار 402 ہو گئی ہے۔‘
وزارت صحت کا کہنا ہے کہ ’مملکت میں کورونا کے ایکٹیوکیسز کی تعداد دو ہزار 361 ہے، جن میں سے 408 کی حالت نازک ہے جو انتہائی نگہداشت کے یونٹس میں زیرعلاج ہیں۔‘
جاری اعداد وشمار کے مطابق سب سے زیادہ مریض ریاض ریجن میں سامنے آئے، جن کی تعداد 153 ہے جبکہ الشرقیہ ریجن میں 71 افراد میں وائرس کی تصدیق ہوئی ہے۔
مکہ ریجن میں کورونا کے 35 مریض سامنے آئے جبکہ مدینہ منورہ ریجن میں مریضوں کی تعداد 18 رہی۔ الباحہ ریجن میں 9 افراد میں کورونا وائرس کی تصدیق ہوئی ہے۔
القصیم ریجن میں چھ، عسیر اور حائل ریجن میں پانچ، پانچ، الحدود الشمالی اور لاجوف ریجن میں چار، چار،نجران ریجن میں تین، جازان اور تبوک ریجن میں دو، دو مریض سامنے آئے ہیں۔
تین لاکھ 70 ہزار 278 افراد میں کورونا وائرس کی تصدیق ہو چکی ہے(فوٹو ایس پی اے)
اب تک تین لاکھ 70 ہزار 278 افراد میں کورونا وائرس کی تصدیق ہو چکی ہے جن میں سے تین لاکھ 61 ہزار 515 افراد شفایاب بھی ہوئے ہیں۔
وزارت صحت کا کہنا ہے کہ کورونا سے بچاؤ کے لیے مقررہ احتیاطی تدابیر پر عمل کرنا ضروری ہے، جن میں سماجی فاصلے کا اصول انتہائی اہم ہے۔
