شیخ سدیس نے کورونا ویکسین کا پہلا انجیکشن لگوالیا

حرمین شریفین انتظامیہ کے سربراہ شیخ ڈاکٹر عبد الرحمن السدیس نے کورونا ویکسین کا پہلا انجیکشن لگوا لیا ہے۔

سبق ویب سائٹ کے مطابق کنگ عبد اللہ میڈیکل سٹی میں انہیں پہلا انجیکشن لگایا گیا ہے۔

اس موقع پر کورونا ویکسین سینٹر کے سربراہ ڈاکٹر دلشاد علی عباس بھی موجود تھے۔

شیخ ڈاکٹر عبد الرحمن السدیس نے خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان کا شکریہ ادا کرتے ہوئے وزارت صحت کے عملے کی تعریف کی ہے۔

انہوں نے کہا ہے کہ حکومت نے اس ملک کے شہریوں اور اس میں مقیم تمام غیر ملکیوں کے لیے کورونا ویکسین کا مفت انتظام کیا ہے‘

’یہ بات بذات خود اس چیز کی علامت ہے کہ خادم حرمین شریفین کی حکومت صحت عامہ کو کس قدر ترجیح دے رہی ہے‘۔