ریاض کی کنگ عبدالعزیز پبلک لائبریری کی منفرد شناخت کیا ہے؟

سعودی دارالحکومت ریاض کی کنگ عبدالعزیز پبلک لائبریری کی منفرد شناخت یہ ہے کہ یہاں سعودی عرب کی تاریخ پر نایاب قلمی نسخے اور 3200 کتابیں محفوظ ہیں-

یہاں مشرقی علوم و فنون کے امریکن سکالر جارج رینڈز کی نجی لائبریری بھی سجی ہوئی ہے- جو کثیر تعداد میں قلمی نسخوں، دستاویزات اور تصاویر کا منتخب اثاثہ ہے- جارج رنڈز کی لائبریری میں انگریزی، فرانسیسی  اور عربی زبانوں کی  3200 نادر کتابیں بھی ہیں-

العربیہ نیٹ کے مطابق یہاں بیشتر کتابیں 1930 سے لیکر 1960 کے دوران سعودی عرب کی تاریخ پر ہیں-

جارج رنڈز آرامکو میں ریسرچ اینڈ ٹرانسلیشن سینٹر کے سربراہ تھے- وہ متعدد علمی سرگرمیوں اور ریسرچ پروگراموں سے جڑے ہوئے تھے- انہیں جزیرہ عرب کے تمام امور میں بڑی دلچسپی تھی- وہ یونیورسٹی پروفیسر تھے-  وہ متعدد  کتابوں کے مصنف تھے جبکہ کئی انسائیکلوپیڈیاز خصوصا اسلامک انسائیکلوپیڈیا کے اہم مقالات تحریر کیے ہوئے تھے- وہ شام، مصر میں بھی زندگی گزار چکے تھے-  عربی زبان لکھنا، پڑھنا ، بولنا جانتے تھے-  جزیرہ عرب کے امور کے ماہر تھے-

جارج، شاہ عبدالعزیز کے ہاتھوں سعودی عرب کے قیام کے واقعات کے عینی شاہد تھے-

جارج رنڈز دوسری عالمی جنگ کے  بعد  17 برس تک  آرامکو میں ٹرانسلیٹر کے طور پر کام کرتے رہے- پھر  1946 میں ریسرچ اینڈ ٹرانسلیشن سینٹر کے ڈائریکٹر تعینات ہوئے انہوں نے یہاں قیام کے دوران عرب قبائل کی زبانی تاریخ ریکارڈ کی- انہوں نے شیخ محمد بن عبدالوھاب  پر کیلیفورنیا یونیورسٹی سے پی ایچ ڈی کی-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں